NABUNTURAN TEMPORARY TREATMENT AND MONITORING FACILITY SA NNCHS, DOH-ACCREDITED NA

Malipayon kitang ipahibalo nga ang building na nahiluna sa Nabunturan National Comprehensive High School (NNCHS), accredited na sa Department of Health (DOH) XI isip Nabunturan Temporary Treatment and Monitoring Facility sa lungsod. Kini human mapirmahan ni Regional Director, Dr. Anabelle P. Yumang ang maong sertipikasyon.

Kung mahinumduman, gi-evaluate sa Department of Health (DOH) XI ang maong building kaniadtong Hunyo 25, 2021 para mamahimong DOH-Accredited TTMF na pasilidad.


Mapasalamaton kita sa tanang lumilihok na nagpaluyo sa maong accreditation, hilabina sa atong Municipal Health Officer, Dr. Danielo O. Rubillos, uban ni Dr. Eduardo Alonzo, ug sa tanang frontliners sa atong lungsod para sa ilang sakripisyo.


Sa karon, anaa na lamang sa napulo (10) ang nag-kwarantina karon sa atong pasilidad. Magpadayon kita sa pag-ampo nga dili na musaka ang kaso sa COVID-19 sa atong lungsod. -RL, MIO