Ilawm sa 12^th Regional Oversight Committee on Barangay Drug Clearing – Province of Davao de Oro, nga gipahitabo sa Manat Gymnasium, Barangay Manat, Nabunturan kaniadtong Agosto 24, 2021 napulo (10) ka mga barangay sa Davao de Oro ang gideklarang drug-cleared areas ug lima (5) niini nag gikan sa atong lungsod.

Mao kini ang Barangay Bayabas, New Dauis, San Roque, San Vicente, ug Sasa sa atong lungsod sa Nabunturan; Barangay Concepcion, Salvacion, ug Sawangan sa Mawab, Barangay Manipongol sa Maco; ug Barangay Napnapan sa Pantukan. 

Pinanguluhan ni Director Aileen T. Lovitos, Regional Director sa Philippine Drug Enforcement Agency Region XI (PDEA XI) anaa ang komitiba nga gilangkuban nila Assistant Regional Director, Iav Levi G. Valmoria sa PDEA XI, PLTCOL Michael Jan M. Peria sa PNP XI, Mr. Afif T. Ambor sa DILG, ug Ms. Jourhany Segura sa DOH.

Mapasalamaton si RD Lovitos sa presensya sa mga Chief of Police, barangay kapitan, sekretarya, mga focal person, ug uban pang mga sumasalmot para sa deliberasyon sa mga barangay aron madeklarang drug-cleared kini.

Ubos sa pagpaningkamot sa atong lungsod ubos sa lideres ni Mayor Chickay Amatong, na mahimong hapsay ug layo sa kagubot ang atong komunidad, malipayon kita nga ang lima ka barangay nagmalampuson sa maong deliberasyon, bisan paman og adunay mga ginagmayng kakulangon.

Anaa usab si Police Major Jesser Vagilidad IV, Officer-In Charge sa atong istasyon; Ma’am Mary Lita Mariano, Focal Person sa Oplan Liwanag ug social worker sa Municipal Social Welfare and Development Office; Ma’am Alma Delia Besana, Municipal Social and Welfare Development Officer, ug Dr. Danielo O. Rubillos, Municipal Health Officer.