BARANGAY PLANNING AND BUDGETING LINKAGE FORUM GIPAHITABO

November 17, 2021, gipahitabo ang Barangay Planning and Budgeting Linkage Forum nga gilangkuban sa mga Treasurer ug Secretary sa 28 ka mga barangay sa lungsod sa Nabunturan. Ang maong kolokabildo gipasiugdahan sa Municipal Budget Office ug Municipal Planning and Development Office sa lokal nga panggamhanan, ubos sa pag awhag ug pagdumala ni Mayor Chelita “Chickay” Amatong.

Tumong sa maong forum nga hatagan ug dugang kaalam, ug kapasidad ang Secretaries ug Treasurers sa matang sa Planning ug Budgeting, nga ilang ipaambit sa ilang kaubanang opisyales ug lumilihok sa ilang nagkadaiyang barangay.

Sila gigiyahan sa mga personahe gikan sa MPDO nga sila Mr. Antonio Beda Tulio, Municipal Planning and Development Coordinator, Mr. John Loftstrand, Ms. Chantelle Baysa, ug sa Municipal Budget Office nga sila Ms. Emilia Magbanua, Municipal Budget Officer, ug Ms. Anyline Buscagan.

Mapasalamaton ang Barangay Secretaries ug Treasurers sa maong oportunidad, ug mapasalamaton usab ang lokal nga panggamhanan sa Nabunturan sa pagdungog sa mga barangay sa maong patawag nga walay laing katuyuan kundi kalambuan sa mga barangay, ug sa tibuok lungsod sa Nabunturan.