DRUG -CLEARED BARANGAYS SA LUNGSOD, NADUGANGAN!

November 15, 2021, anaa ang Regional Oversight Committee on Barangay Drug Clearing para sa pagpahitabo sa 17th ROC-BDC Session ug ang presentation ug deliberation sa unom ka mga barangay sa lungsod para mamahimong drug-cleared barangay. Kini gipahitabo sa Sanitary Function Hall, Purok 15, Poblacion, Nabunturan.

Ang ROC-BDC gipanguluhan ni Regional Director Aileen T. Lovitos sa Philippine Drug Enforcement Agency (PDEA) ug gilangkuban nila IA V Levi Valmoria, Asst. Regional Director; PLTCOL Michael Jan Peria, PNP XI; Dr. Caridad Matalam, DOH XI; ug LGOO V Louie Limbaro, DILG XI.

Ang unom ka nagmalampusong barangay mao ang Barangay Magading pinanguluhan ni Hon. Hector C. Generalao; Brgy. San Isidro pinanguluhan ni Hon. Mario F. Bacolod; Brgy. Cabidianan pinanguluhan ni Hon. Porferio B. Oclarit Jr.; Brgy. Matilo pinanguluhan ni Hon. Cesar A. Ando; Brgy. Antequera pinanguluhan ni Hon. Jesse Teody S. Tagalog; ug Brgy. Tagnocon pinanguluhan ni Hon. Felix C. Diwata.

Madasigong giatubang sa mga Kapitan uban ang ilang sekretarya ang mga pangutana ug rekomendasyon sa komitiba. Anaa usab sa ROC-BDC ang mga miyembro sa PDEA XI, atong MLGOO, Engr. Evan Noel Pascua; Chief of Police PCAPT, Janus Lumbaya B. Macli-ing sa Nabunturan Police Station; MSWDO, Alma Delia Besana; Oplan Liwanag Focal, Marylita Mariano, RSW; ug MHO, Dr. Danielo O. Rubillos.

Mitambong usab sa maong aktibidad ang atong halandong Mayor, Chelita “Chickay” C. Amatong. Ug sa iyang mensahe, saysay ni Mayora nga malipayon gayod siya nga drug-cleared na ang mga barangay apan dapat padayon gihapon ang kakugi sa pag-monitor- ug kung mamahimo, mas pakusgan pa kini.

Gihandom usab ni Mayor Chickay nga mahuman na ang tanan barangay, ug mahinay-hinayan na ang paglihok sa kinahanglang buhatunon para mamahimong Drug-cleared Municipality. Sayod siya nga dili kini lalim, apan dili usab kini imposible tungod sa pagtinabangay sa nagkadaiyang ahensya, nga abtik ug adunay panglantaw gayod sa kaayuhan sa tanan.

Sa karon, anaa na sa 19 ang total nga drug-cleared barangays sa lungsod, ug padayon gihapon ang atong pagpaningkamot nga mamahimong drug-cleared ang nahibiling 9 ka barangays.