LGU NABUNTURAN, NAGPAHITABO SA UNANG CONVOCATION

Human ang duha ka tuig nga pakigbatok sa pandemya, gipahigayon sa Lokal na Panggamhanan sa Nabunturan ang pinakaunang convocation kaniadtong December 20, 2021 nga gitambungan sa atong halandong Mayor, Chelita C. Amatong; Bise Mayor, Rodel G. Balili; mga konsehal: Hon. Alim Sotto ug Hon. Francis Secuya; mga department/section heads, mga empleyado, ug mga ahensya.

Sa usa ka announcement, giawhag ni Ma’am Gilda F. Aldaya, Supervising Administrative Officer/NALGEU President ang mga empleyado sa kinasingkasing nga pag-donate ug mga sanina o bisan unsang donasyon alang sa mga nasalanta sa Bagyong Odette. Pwede usab muduol sa opisina sa Business Permit And Local Economic Enterprise para sa maong donation drive.

Highlight sab sa convocation ang mga anunsyo ni Mayor Chickay, sama sa padayong pagkunhod sa kaso sa COVID-19, nga anaa na lamang sa pito ka kaso karong adlawa. Gipahinumduman usab niya ang tanan nga musunod gihapon sa protokol ug muingon kung adunay gibati arun mahatagan ug igong atensyon.

Malipayon usab nga gianunsyo ni Mayora ang bonus para sa mga job orders nga gamayng pahalipay para hatagan ug bili ang ilang kadasig ug pagkugi.

Atong pag-ampo usab sa mga biktima sa Bagyong Odette, ug sa tanang adunay giagiang kalisod karong panahona.

A blessed Monday and blissful week ahead!