LIHOK PROGRAM ORIENTATION AND CAPABILITY BUILDING WORKSHOP SEMINAR

Gipahitabo ang duha ka adlaw nga Program Orientation and Capability Building Workshop Seminar sa LIHOK o Lambo sa Inisyatibo ug Hiniusang Organisasyon sa Katilingban nga gilangkuban sa kapin kwarenta ka mga miyembro sa nagkadaiyang sektor sa Mahayahay Relocation Site, Purok 8, Brgy. Linda, Nabunturan, Davao de Oro.

Nagpatawag ang LGU Nabunturan ug duha ka adlaw nga LIHOK Program Orientation and Capability Building Workshop Seminar pinaagi sa Municipal Social Welfare and Development Office ug sa opisina sa Housing and Relocation, sugod September 29, 2021 hangtud September 30, 2021, nga gipahigayon sa Sanitary Function Hall niining lungsod.

Tumong niining maong panagtigum nga matuki ang mga isyu, problema, ug matubag ang mga panginahanglanon sa mga lumulupyo sa Mahayahay Relocation Site. Usa pud sa mga importanteng gipatigayon mao ang pag piniliay sa mga Homeowners Association Officers ug Board of Trustees.

Sa kasamtangan, adunay 131 ka pamilya nga legal nga nag puyo sa Mahayahay Relocation Site ug aduna sab 8 nga nagpaabot pa sa ilang mga papeles kay wala pa na survey ang ilang mga luna.

Nanghinaut ang lokal nga panggamhanan sa Nabunturan ubos sa pagdumala ni Mayor Chelita Amatong, nga magpadayong hapsay ang pagpamuyo sa mga residente, ug magpatigbabaw ang paghiusa ug pagsinabtanay sa usa’g usa hilabi na nga nagka anam na ug kadako ang komunidad niini.