LOOK: BAG-ONG MOBILE KITCHEN, NIABOT NA SA LUNGSOD!

October 25, 2021, malipayon ug excited nga gisusi sa atong Mayor, Chelita C. Amatong ang Mobile Kitchen nga nagkantidad ug PHP 3, 330,000.00, uban ang atong Municipal Disaster Risk Reduction and Management Officer, Jennifer F. Echavez ug NERT; head sa atong GSO, Sir Charly K. Valer; Municipal Budget Officer, Ma’am Emilia Magbanua; ug Engr. Louis sa Municipal Engineer’s Office.

Naninguha ang grupo nga makumpleto na ang mga kakulangon sama sa mga gamit sa kusina nga maayong idugang para sa hinanaling pag-gamit sa mobile kitchen nga gilaumang maghatod ug masustansiya ug lamiang pagkaon sa atong katawhan ilabi na sa panahon sa disaster.

Pipila sa mga features sa Mobile Kitchern mao ang lavatory, comfort room with septic tank, water dispenser, ug double burner with regulatory hose.

Kita usab diri sa Lungsod sa Nabunturan ang nag inusara na Munisipyo sa tibuok probinsya ang anaa ani na Disaster Response Vehicle. Layon niini ang makatabang pud sa atong mga silingan na mga Munisipyo kung gikinahanglan.

Padayon ang Lokal na Panggamhanan sa Nabunturan sa pagpaningkamot nga mamahimong lungsod nga ekwipo sa mga panginahanglanong adunay dakong tabang, hilabina sa panahon sa trahedya o disaster. Busa, ginapangandaman ug gina-preparahan gayod nato ang klase-klaseng panginahanglanon sa nagkalain-laing sektor sa atong katilingban aron mas mapauswag pa ang kinabuhi sa tanan.