LOOK: BAG-ONG WAREHOUSE SA LUNGSOD, GI-BLESSINGAN

October 13, 2021, gi-blessingan ang bag-ong Warehouse sa atong Municipal Disaster Risk Reduction and Management Office nga nahiluna sa Purok 15, Poblacion, Nabunturan, DDO.

Malipayon si MDRRM Officer, Jennifer F. Echavez sa kahumanan sa maong building nga adunay dakong tabang gayod sa pagpahiluna sa mga ekwipo, kagamitan, ug uban pang resources sa lungsod para sa pagpangandam sa mga sakuna -manmade man o natural, ug uban pang disaster.

Anaa usab sa selebrasyon ang atong Municipal Health Officer, Dr. Danielo O. Rubillos; Municipal Planning and Development Officer, Antonio Beda Tulio; Municipal Engineer, Thelma Gisma; ug Municipal Budget Officer, Emilia Magbanua.

Ang opisina sa MDRRM nato dinhi sa lungsod sa Nabunturan available gayod 24/7 para sa paghatag ug dinaliang medical services, tungod kay halos trained EMT na gayod ang mga myembro sa atong Nabunturan Emergency Response Team. Andam ug ekwipo usab sila sa mga kagamitan ug kaalam para mutabang sa nagkalain-laing disaster. Sa panahon sa COVID-19, dako usab ang responsibilidad ug papel sa atong MDRRM uban ang atong mga front liners sa nagkalain-laing sektor para sa pagpahiluna ug pagplastar sa pagabuhaton kontra COVID.