LOOK: MOTORIZED TRICYCLE FOR HIRE (MTH) REORIENTATION GIPAHITABO

Gipangunahan sa opisina sa Business Permit and Local Economic Enterprise ang pagpahitabo ug Motorized Tricycle for Hire (MTH) Reorientation para sa mga operators ug drivers sa lungsod. Ipahitabo ang maong orientation sa tulo ka adlaw, November 23, ug 25-26, 2021

Sa mensahe nga gipadayag sa atong Mayor, Chelita “Chickay” Amatong, nagpasalamat siya sa aktibong pagtambong sa tanan ug nagahinaot nga daghang makutluan ang atong mga MTH drivers ug operators sa maong orientation nga magamit gayod sa luwas ug malinawong pangita.

Ang maong orientation gitunga sa upat ka topic: ang Municipal Ordinances kabahin sa tree planting ug Solid Waste Management nga gihatag ni Ma’am Geraldine Pizarras, EMS; ang Traffic Rules, Issuances, ug Updates ni PCAPT Janus Lumbaya Macli-ing, COP;

Bureau of Fire Protection Updates ni S/Insp Ferdinand R. Magno, Fire Marshall; COVID-19 Response ug Vaccination Updates ni Dr. Danielo O. Rubillos, MHO; ug MTFRB Resolutions ug Renewal Updates ni Ma’am Gilda F. Aldaya, SAO.

Nagalaom kita nga matubag ang mga pangutana sa atong tricycle draybers ug mahataga’g mga importanteng impormasyon nga magamit gayod nila.