LOOK: SENIOR CITIZEN BUILDING SA BARANGAY MAINIT, GI TURN-OVER NA

Usa ka 85.86 sq.m. nga Senior Citizen Building ang gi-turn over ni Mayor Chelita C. Amatong sa Barangay Mainit kaniadtong December 22, 2021. Anaa sa kapin usa ka milyon ang kantidad sa maong building nga naggikan sa panudlanan sa Lungsod sa Nabunturan.

Personal nga nitambong usab si Governor Jayvee Tyron L. Uy sa aktibidad. Naghatag usab ug kalipay sa atong mga Senior Citizen ang pag-vouch ni Gov. Tyron sa pagpataod ug electrical connection sa maong building.

Malipayon si Mayor Chickay Amatong nga anaa na gayod ang ginahuwat nga senior citizen building para sa atong minahal nga mga katigulangan. Mensahe usab niya nga anaa sa kanunay ang Lokal na Panggamhanan sa Nabunturan nga andam mutabang sa mga panginahanglanon sa atong mga seniors nga aktibo gayod.

Mainitong gidawat sa Brgy. Council sa Mainit ug Barangay Association of Senior Citizen (BASCA) ang maong building. Mapasalamaton gayod si Ma’am Daylyn Duterte, BASCA President, sa katumanan sa maong building nga makahatag gayod ug dakong tabang sa mga senior citizen members.

Anaa sa maong aktibidad sila SB Francis Secuya, SB Jeovy Mandin, ug Sir Dodong Bugas uban ang atong mga kaubanan sa Engineer’s Office, pinanguluhan sa atong Municipal Engineer Thelma Gisma ug ni Engr. Lucille Lindo.