Gipangunahan sa atong halandong Mayor, Chelita C. Amatong ang pagturn-over sa newly renovated Day Care Center sa Barangay Antequera nga gipanguluhan sa maabtik nga kapitan nga si Hon. Jesse Teody Tagalog.

Nang-apod-apod usab si Kap Tagalog ug mga school supplies para sa mga bata sa Antequera nga nitambong sa maong aktibidad uban ang ilang ginikanan.

Mapasalamaton usab siya sa Lokal na Panggamhanan sa Nabunturan, hilabina kay Mayor Amatong nga nahimong instrumento sa kalampusan sa maong proyekto nga dugay na gayod nilang gipangandoy.

Pipila sa mga hangyo nila Ma’am Alma Besana, MSWDO ug Mayor Chickay sa mga ginikanan ang paghatag gayod ug panahon sa mga kabatan-onan nga matutukan ug matabangan sila sa ilang pagtuon.

Sa laing bahin, hangyo ni Engr. Thelma Gisma nga ampingan ug panggaon gayod ang bag-ong building aron kini mulahutay ug daghang bata pa ang makagamit.

Ang Lokal na Panggamhanan sa Nabunturan nagatuo gayod nga ang kalambuan, anaa sa kamot sa atong mga kabatan-onan. Busa, kini gayod ang ginahataga’g importansiya ug pagtagad sa atong Mayor, aron mas muuswag pa ang kalidad sa edukasyon ug mahatagan ug igong suporta ang atong mga magtutudlo ug kabatan-onan.