December 18, 2021 atong gi dispatch ang atong NERT Rescue Vehicle Number 12 o ang atong Mobile Kitchen diri sa Lungsod sa Nabunturan padulong ngadto sa Surigao City, CARAGA Region aron mu assisst sa relief operations sa maong lugara.

Ang lungsod sa Nabunturan nagpadala ug 8-man team, na gipangulohan sa atong MDRRMO Jennifer Flores Echavez kauban ang 5 ka Emergency Medical Technicians ug 2 ka driver-responders.

Kasamtangang en route pa ang atong gipadala na team sa CARAGA Region dala dala ang mga kagamitan para pang luto sa hot meals ug mga generator sets. Mag abot abot sila sa Philippine Red Cross sa Surigao City aron mu check-in sa EOC nila didto para ma dispatch sila kung asa gikinahanglan. 2 Days sila mu-assisst sa relief operations sa maong lugar usa sila mubalik sa Nabunturan.

Mapasalamaton kita na wala kaayo kita naapektohan sa Bagyong #OdettePH, apan adunay gayud mga lugar na grabe ang nasinati, mao sa ingon ani na pamaagi, hinaot naka pa gaan ta ug nakatabang ta sa ilahang komunidad.

Kinsa pa man diay mag tinabangay kung dili kita-kita ra pud.

Amping sa kanunay mga Nabunturanon, ug atong iapil sa atong mga pag ampo ang mga komunidad na apektado sa Bagyong Odette na hinaot makabangon sila dayon, ato sab iapil ang safety sa atong NERT personnel na gipadala sa Surigao city, sa ilahang pag biyahe ug sa ilang pagresponde ngadto sa relief operations didto.

**bisan pa man ug aduna kitay team na gi dispatch sa CARAGA Region, rest assured na dili apektado ang atong operasyon ug serbisyo sa DRRMO ug sa Emergency Medical services sa atong lungsod kay naa gayud gihapon ang majority sa atong NERT diri sa atoang EOC.