New Skills Unlocked!

Nipailawm sa usa ka semanang Mountain Search and Rescue Training ang dose (12) ka myembro sa atong NABUNTURAN EMERGENCY RESPONSE TEAM kon NERT nga gipahitabo sa Barangay Panansalan, Compostela.

Nagsugod kaniadtong Nobyembre 22 ang maong training uban ang mga myembro sa NERT ubos sa Municipal Disaster Risk Reduction and Management Office (Mdrrmo Nabunturan) pinanguluhan sa atong maabtik nga MDRRM Officer, Jennifer F. Echavez.

Gipahitabo ang aktibidad aron mahatagan ug igong kaalam ang atong mga responders kabahin sa Mountain Search and Rescue kon MOSAR, isip pagpangandam kung simbako ug adunay manginahanglan niini sa umaabot nga mga panahon. Pipila sa mga lektyur nga gitun-an mao ang Map Reading ug Land Navigation. Adunay Actual Mapping sab nga gipahitabo, kung asa nibaktas ug 7 kilometers ang atong NERT sa mabukirong parte sa lugar nga ilang gi-trainingan. Gawas ana, ubay-ubay nga mga survival techniques sab ang ilang pagaagian.

Gipasigarbo nato ang atong mga responders sa NERT nga halos Emergency Medical Technicians na. Usa kini sa mga kalampusan sa natad sa disaster risk reduction and management nga padayong ginapakusgan sa atong lungsod ubos sa liderato sa atong Mayor, Chelita “Chickay” Amatong.

Nagpakita kini nga dili lamang kita andam sa mga ekwipo ug kagamitan, apan ginasigurado usab sa atong Lokal na Panggamhanan sa Nabunturan nga andam ug adunay kaalam ang atong mga responders para sa paghatag ug hinanaliang tabang medikal. Hilabina sa pagpanguna sa mga rescue operations sa nagkalain-laing katalagman o disgrasya lungsod.

Mapasalamaton usab kita sa Philippine Red Cross-Davao de Oro Chapter nga maoy trainers sa maong aktibidad.