Sayo sa kaniadtong october 21, 2021 gisusi sa atong halandong Mayor, Chelita C. Amatong ang bag-ong garbage compactor sa atong lungsod uban sila Engr. Luis Sarona sa Municipal Engineer’s Office ug ang mga myembro sa atong Municipal Environment and Natural Resources Office.

Ang brand new 6 wheeler, 4×2 compactor truck nga adunay volume capacity nga 10 cubic meter nagkantidad ug 7.6 Million Pesos. Kini nag-gikan sa panudlanan sa atong lungsod ug naghulat nalang kita sa mga kinahanglanong papeles, para sa pagdagan sa maong truck.

Malipayon gayod kita sa pag-abot sa maong compactor nga gilaumang makatabang gayod sa mas paspas ug episyenteng pagpangolekta ug basura.

Padayon usab ang pagpaningkamot sa atong Lokal na Panggamhanan sa Nabunturan nga mahatag ang panginahanglanon sa atong lungsod para sa kalambuan ug kaayuhan sa tanan.