Tungod sa padayong kusog nga pag-ulan ug pagsaka sa tubig, nagpahitabo na usab ug pre-emptive evacuation sa Barangay Basak ug Bukal pinanguluhan sa Nabunturan Emergency Response Team uban ang myembro sa BLGU.

Hugot usab ang monitoring sa atong Municipal Disaster Risk Reduction Management Office ug gina-awhag gayod ni Ma’am Jennifer Echavez, MDRRM Officer, nga dili angay magduha-duha ang atong mga Kapitan sa pagbakwit sa ilang mga residente hilabina ang mga anaa sa flood-prone ug landslide-prone areas.

Naka monitor usab si Mayor Chickay Amatong ug gidasig ang mga Kapitan nga dili magduha-duha sa pag-evacuate sa ilang mga residente ug dili gayod mabalaka sa pagkaon kay andam ang atong Lokal nga Panggamhanan nga muhatag ug food stuff sa mga evacuees. Hilabina sa mga purok ug barangay nga dali gayod mabahaan.

On-stand by na usab ang mga behikulo sa pag-responde sa Barangay Poblacion, pinanguluhan ni Brgy. Captain Cyrian Reterba, isip pagpangandam sa posibleng pre-emptive evacuation sa mga flood-prone puroks.

Base sa datos sa atong MDRRMO, anaa sa lima (5) ka barangay na ang nagpahitabo ug pre-emptive evacuation: San Isidro (3 families, 12 individuals), Magading (29 families, 62 individuals), Magsaysay (44 families, 139 individuals), Bukal (47 families, 155 individuals), ug Basak (43 families, 155 individuals).

Gipangunahan usab ni Ma’am Alma Delia Besana, MSWDO ang pag-hatod sa mga relief goods. Nag-serve usab ang atong Nabunturan Emergency Response Team ug hot meals sa mga evacuees.

Padayon kitang mag-igmat ug musunod sa abiso gikan sa mga otoridad para sa atong kaluwasan.

Para sa emergency, tawag lamang sa atong NERT Hotline sa : 0946-2461-787 (SMART/TNT) o 0917-1303-345

In Photos: Pre-emptive Evacuation in Barangay Basak and Bukal courtesy of MDRRMO.