January 14, 2021, tulo ka barangay ang natalang nagpahigayon ug pre-emptive evacuation nga gipangunahan sa atong Nabunturan Emergency Response Team (NERT). Mao kini ang Barangay Magading, Bukal, ug Magsaysay.

Human sa pag-evacuate sa mga residente, nagpahigayon dayon ug distribution of relief goods ang atong Municipal Social Welfare and Development Office pinanguluhan ni Ma’am Alma Delia Besana.

Sa datos nga nakuha, adunay 27 ka pamilya nga ni-evacuate sa Barangay Magading, 25 ka pamilya sa Barangay Bukal, ug 44 ka pamilya sa Magsaysay.

Mapasalamaton usab kita sa DSWD-DDO para sa paghatag ug relief goods sa atong mga kaigsuonang anaa sa Barangay Magading. Gawas ana, mapasalamaton sab kita sa mga kapitan, opisyales, ug functionaries sa barangay nga abtik gayod sa pag-hatag sa datos para sa hapsay nga distribusyon ug pagpahiluna sa evacuation.

January 15, 2021, nag repack ang grupo sa atong MSWDO para sa pag-hatag ug relief goods sa mga dugang evacuees. Kini ipang-apod-apod sa mga barangay nga nagpahigayon ug pre-emptive evacuation.