Subay sa rekomendasyon sa atong Inter-Agency Task Force for Emerging Infectious Diseases (IATF-EID) ang tibuok Davao de Oro, lakip na niini ang atong Lungsod sa Nabunturan, ipa ilawom ubos sa ALERT LEVEL 3 sugod karong adlawa January 21, 2022 hangtod sa January 31, 2022.

Sa pagka karon nagahimo na ang atong opisina ug draft na Executive Order para sa implementasyon sa Alert Level 3 Diri sa atong Lungsod sa Nabunturan. Kasamtangan pud natong ginahulat mupagawas ang atong probinsya sa Davao de Oro ug Executive Order aron ma adopt nato kini ug kung gikinahanglan, mabutangan ug mga supplemental guidelines na haom sa atong lokalidad.

Sayod kita na nagasaka gayud ang atong mga kaso sa COVID-19 diri sa atong lungsod, bisan pa man nga nakasugod kita sa ZERO cases karong tuiga, kagahapon anaa na kitay 44 ka mga aktibong kaso diri sa atong lungsod, ug karon murag madugangan pa kini inig abot sa mga RT-PCR results sa pipila na sab ka mga Nabunturanon.

Karon pa lang, ato ng andamon atong mga kaugalingon na mubalik kita sa mas striktong quarantine alert level system, uban niini ang mga mas limitadong pag lihok, pagpasirado na sab ug mga piling mga establisyemento, ug pag bawal sa pipila ka mga aktibidad na pwedeng pagabuhaton.

Busa ako na sad na kinasingkasing na hangyo kaninyo akong mga pinalanggang Nabunturanon, na ato gayud subayon ang mga limitasyon ug mga patakaran ubos sa ALERT LEVEL 3 ug labaw sa tanan, kanuay gayud gihapon natong sundon ang atong mga Minimum Public Health Standards nato, ug dili gihapon mu kumpyansa.

Sa kanunay manghinaot kami sa inyong kanunay na suporta, kooperasyon, pasesnsya, ug pag sabot.

Amping sa kanunay mga Nabunturanon.