Mainitong giabi-abi sa atong Municipal Disaster Risk Reduction and Management Officer, Ma’am Jennifer F. Echavez ang pag-benchmark nila Sir Jhovanrey T. Lamparas, Operation’s Head sa Municipal Disaster Risk Reduction and Management Office Maragusan.

Pila sa mga gisusi sa grupo mao ang atong mga emergency vehicle sama sa ambulance, rescue vehicle equipment, ug uban pang mga nagkalain-laing ekwipo.

Ilawm sa hiniusang Patient Care Report (PCR) format, napili usab sa atong probinsya ang lungsod sa Nabunturan isip sumbanan sa PCR, busa nagpahigayon usab ug lecture ang atong Nabunturan Emergency Response Team (NERT) kabahin sa PCR ug ang pamaagi sa pag fill-up niini.

Gawas ana, gituki usab ang response operation sa lungsod, ang mga pamaagi sa dispatching, data banking sa kada-run, ug lista sa mga training nga angay agihan sa mga responders uban sa trainings nga ginapahigayon sa atong NERT.

Tungod sa epektibong pagdumala sa atong MDRRM Officer, inubanan sa suporta sa atong Mayor, Chelita “Chickay” Amatong ug mga Opisyales sa lungsod, nagmalampuson gayod kita sa pag-enhance sa kalidad sa atong disaster/accident response. Gikan sa atong mga modernong ekwipo, kompletong pasilidad, ug pag-equip sa skills sa atong mga responders kung asa niagi gyud sila ug kalidad nga mga trainings, mapasigarbo gayod nato kini.

Abri usab sa kanunay ang atong Lokal nga Panggamhanan nga andam mupaambit sa atong mga kasilinganang lungsod alang sa hiniusang kauswagan ug kaayuhan sa tanan.