Napagtipok ang mga Tourism Related Establishments owners dinhi sa lungsod sa Nabunturan og mga miyembro sa Municipal Tourism Council of Nabunturan, Inc., kaniadtong Enero 31, 2022, sa atong Municipal Covered Court, P-9 Poblacion, Nabunturan, Davao de Oro para sa Annual General Assembly sa atong MTCNI.

     Gihisgutan sa meeting ang isakahay na namugnang Tourism Code na labing makatabang dili lamang sa LGU pero para sa nagausbong nga mga Tourism Establishments og laaganan diri sa lungsod.

     Kini usa kadakong tabang para sa mumulupyo sa lungsod og sa mga turistang aktibong galaag og sa mga naay planong mubisita sa atong lugar kung asa sila mangadto, kinsay angay duolan, og unsay angay og dili angay buhaton nila. 

     Nagpahayag usab sa kalipay ang current MTCNI president nga si Atty. Karen S. Malaki sa paggahin sa mga business owners sa ilang oras, gipasabot usab ni Atty. ang importansya sa council sa pagtabang sa mga TRE’s og sa relasyon niini sa pagpausbong sa ekonomiya sa lungsod. 

     Busa, ang nahitabong general assembly nagwelcome sa mga tag-iya sa mga bag-ong adtuanan na nagapakita og great potentials, nagpamatuod lamang kini sa hayag na kaugmaon sa atong turismo na angay gayud nato tangkilikon. | by Abby Gale M. Bantayan