Malampusong naipahigayon sa Municipal Agriculturist Office nga gipanguluhan ni Mr. Margarito M. Libres, Municipal Agriculturist kauban ang mga personahe sa DA-Philrice Agusan ang pagpanghatag sa financial Assistance nga nagkantidad ug P25,000 kada ektarya sa pito (7) ka mag uuma nga lumulupyo sa Barangay Magading ug Barangay Basak.
Ang ahensya sa Philrice nagtinguha nga maipakita ang “performance” sa mga dekalidad ug sertipikado nga mga binhi sa inbred seeds (humay) pinaagi sa Mechanized Technology Demonstration sa mga National ug Regional recommended rice varieties nga established sa tibuok nasud. Kini na programa gipanganlan ug “PALAYSIKATAN”,duha (2) ka luna nga maglangkub ug tulo (3) ka ektarya matag luna nga pagatamnan sa mga National recommended variety sa humay nga mao ang RC 216, RC 160, 402; Regional recommended variety nga RC 442, ug RC 480 ug mga “Next Generation Varities” sama sa mga 500 Series nga RC 506 ug RC 534.
Ang matag Farmer-cooperator makadwat ug P25, 000/ha para sa isa ka cropping period. Kani maglangkub sa farm inputs sama sa seeds, abono, pestisidyo ug labor expenses para sa land preparation, pagpatanum, ibot, pag atiman ug mentena, harvest ug uban pang aktibidades sa pagbasak. Gi introduce usab ang Farm Mechanization sa mga farmer-cooperators sama sa paggamit sa “Walk behind Transplanter” para mapadali, mapasayon ug makabarato sa pagtanum ug humay.
Ang Techno Demo kabahin gihapon sa Rice Competitiveness Enhancement Fund (RCEF) nga nagtinguha nga matabangan ang mga gagmayng mag uuma sa humay nga malagpasan ang bag-ong rice trade system ug motaas ang produksyon ug moubos ang gasto sa pagpanguma.
Mapa salamaton ang mga mag uuma sa makanunayung suporta sa atong Lokal na pagamhanan sa Municipyo sa Nabunturan na gipanguluhan ni Mayor Chelita C. Amatong. Ang maong aktibidades getambungan ni Engr. Analyn L. Cañalita, ABE, Senior Agriculturist, Ms. Georgina Tortola, RCEF Regional Coordinator, Mr. Manny Cesar Bequibel, RCEF Palaysikatan Techno Demo Coordinator. | by Irish Jane Monera