Isip pagsaulog sa Presidential Proclamation No. 760, dated May 05, 2014 nga gipirmahan ni President Benigno Aquino III, kung asa gimugna ang January 26 isip adlaw sa pagselebra sa National Zero Waste Month ug ang pagtimaan sa ika-20th signing anniversary sa Republic Act 9003 or Ecological Solid Waste Management Act of 2000 ang Lokal na Panggamhanan sa Nabunturan, ubos sa opisina sa Environmental Resources Section nagpahigayon ug Pulot Basura Activity.

     Gipangulohan ni Ms. Gigi Pizaras, ang section head sa ERS, ang pagpamunit sa mga basura sa main thoroughfares sa sentro sa Nabunturan. 

     Nakigtambayayong usab ang 28 ka barangay, kung diin sila nagpahigayon ug susamang nga kalihokan para sa #CleanGreenNabunturan.

     Gani, gibawal na ang paggamit sa selopin/sando bags, Styrofoam products, ug uban pang matang sa “single-use plastics” subay sa Municipal Ordinance No. 2020-08.

     Busa, isip mensahe sa atong Environment Resources Officer, giawhag niya ang tanan “…anaron na nato ang atong kaugalingon sa paggamit ug bayong, basket, ecobags, ug uban pang reusable/recyclable materials isip puli sa Single-Use Plastic.”

     Kini para maprotektahan ug mapreserba gayod nato ang atong kinaiyahan ug mas mapakunhod pa ang basura sama sa plastic.  | by Lovely Grace P. Villan