Usa ka Simultaneous Kick-Off Ceremony para sa National ug Local Election 2022 ang gipahitabo sa atong Municipal Covered Court kagahapong adlawa, Pebrero 02, 2022.

kini gi-organisa sa Nabunturan Municipal Police Station pinanguluhan ni PCapt Janus Lumbaya B. Macli-ing kung asa nagpahitabo usab ug Inter-Faith Prayer Rally ug Peace Covenant Signing para sa limpyo, malinawon, ug hapsay nga eleksyon sa umaabot nga Mayo, 2022.

Nitambong sa maong aktibidad sila Mayor Chelita C. Amatong, Vice Mayor Rodel Balili, Councilor Conie Caballero, Councilor Alim Sotto, Councilor Bon-Bon Arangcon, Councilor Ivi Sarah Humol, Councilor Debie Tan, Hon. Raul Luntao Jr., Ma’am My-My Clarin-Balili, Dra. Cheryl Asion-Trinidad, ug Sir Steely Dhan Caballero.

Pila sa mga bisita ug saksi sa maong aktibidad sila AFP Delta Company 25IB, 10ID PA CPT Carlo Garcia, Commission on Election (COMELEC) Officer, Maysah P. Casar, ug ang religious leaders sa Christian and Muslim Community sa atong lungsod.

Para sa kaayuhan ug kalambuan sa tanang Nabunturanons ug sa tibuok nasod, atong iampo gayod ang usa ka limpyo ug hapsay nga National ug Local Election 2022.