Karung buntaga, nagsadya ang atong Lokal na Panggamhanan sa Nabunturan ubos sa pagdumala ni Mayor Chelita C. Amatong sa mabungahong resulta sa Full Audit kagabii, kung asa, kita usa na gayod ka full-pledged Double A Slaughterhouse sulod sa usa ka tuig.

    Safety, compliant, ug adunay quality ensurance- kini ang nakita sa audit team nga gilangkuban nila MSQA Auditors’, Dr. Arvin Louis Casilac ug Ma’am Janice Marie Lapore gikan sa National Meat Inspection Service (NMIS) sa Department of Agriculture human sa pag-audit sa atong Nabunturan Slaughterhouse nga nahiluna sa Purok 4, Brgy Sasa.

 

    Malipayon usab ang tibuok myembro sa atong Task Force Double A , ug ang Business Processing, Licensing, and Local Economic Enterprise Section ug ang tanang Slaughterhouse Personnel nga pinanguluhan ni Ma’am Gilda F. Aldaya sa kalampusan sa gipangandoy nga Double A Accreditation.

Kini nagpasabot nga ang mga karne gikan sa atong AA classified Slaughterhouse, garantisadong limpyo ug luwas nga ma-transport gawas sa atong lungsod. Dugang niani, posible kining mamahimong training center sa slaughtering/butchering courses nga magamit para sa mga interesado manarbaho sa laing nasod.

   Bisan paman sa pipila ka mga kakulangang nakita sa mga auditors, nakita gayod nila ang pagpaningkamot sa atong Lokal nga Panggamhanan nga masulbad kini ug mahatagan ug saktong atensyon. Malipayon usab sila sa gipakitang suporta sa atong Mayor, Chelita C. Amatong nga niadto gayod ug nihatag sa iyang suporta sa gipahitabong inspection.

 

Kini nga kadaugan, kadaugan sa tanan! Congratulations sa atong minahal nga lungsod sa Nabunturan!