Gipahigayon sa Municipal Disaster Risk Reduction and Management Office (MDRRMO) ang usa ka Incident Command System (ICS) Executive Course training para sa atong mga magtutudlo nga School Head, District Head, DRR Focal, ug Focal sa distrito sa lungsod sa Nabunturan.

              Ang maong aktibidad ipahitabo sa duha ka adlaw sa Villa Amor, Function Hall, Comval Hotel.

Ang ispiker sa maong aktibidad mao sila Sir Glenn Francis L. Marfe sa Provincial Disaster Risk Reduction and Management Office sa Davao de Oro ug ang atong MDRRM Officer, nga si Ma’am Jennifer Flores.

Nibisita usab si Mayor Chelita “Chickay” Amatong sa maong training ug nagpasalamat sa partisipasyon sa atong district head ug mga school heads. Nanghinaot usab si Mayor Chickay nga daghan gayod ang makutluan nila ug magamit gayod kini, simbako, ug adunay mga disaster.

       Hilabina nga dili gayod matagna ang panahon, busa kinahanglan ang aktibo ug alertong panghuna-huna sa kanunay.

     Ang ICS o Incident Command System usa ka standardized approach sa paghatag ug command, control, ug coordination sa panahon sa emergency response. Importante ang training niini isip pagpangandam sa mga disaster sama sa linog, baha, sunog, ug uban pa.