Niabot na ang atong team sa Municipal Disaster Risk Reduction and Management Office (MDRRMO) uban ang Municipal Health Office, mga Barangay Kapitan, ug ang Red Cross Davao de Oro Chapter sa lungsod sa Surigao City para sa usa ka medical mission ug pag-panghatag ug relief goods.
Kung mahinumduman, usa ang Nabunturan sa pinakaunang niadto sa Surigao human ang Bagyong Odette kaniadtong Disyembre 16, 2021, kung asa dala sa MDRRMO, pinanguluhan ni Ma’am Jennifer Flores, ang atong Mobile Kitchen alang sa paghatag ug hotmeals sa mga nasalanta sa bagyo.
Human madungog ni Mayor Chelita C. Amatong ang kalisod nga gisagubang sa mga residente, nakita gayod niya ang importansya nga makabalik ang atong LGU dala ang tabang ngadto sa mga biktima sa bagyo. Busa, human ang mga preparasyon, nibyahe ang atong mga kaubanan kagahapong adlawa.
Sa pag-abot, mainitong gidawat sa Opisina ni Mayor Ernesto Matugas Jr., sila Dr. Danielo O. Rubillos, Municipal Health Officer; Ma’am Flores, MDRRMO; Sir Leo Haniff Ko, Red Cross DDO-OIC; ug ang atong mga kapitan, sila si Hon. Mark Anthony O. Chan, Hon. Christopher C. Base, Hon. Rey S. Daanoy, ug Hon. Jimmy P. Baldo.
Ni courtesy call usab sila sa City Health Office sa Surigao City kung asa ilang nahinabi si Dr. Ariba ug ang Redcross Surigao City Chapter.
Dala sa grupo ang 56 ka sakong bugas gikan sa Liga ng mga Barangay, mga relief goods nga nakolekta sa atong Nabunturan Local Government Employees Union (NALGEU) gikan sa mga empleyado, organisasyon, ug mga indibidwal nga adunay malumong kasingkasing, ug 200,000 worth of aid nga gi-aprubahan sa Nabunturan Disaster Risk Reduction and Management Council kaniadtong Enero 10, 2022.
Sa karon, padayon ang Medical Mission nga gipanguluhan ni Dr. Rubillos uban si Dr. Eduardo Alonzo, ug kini gipahitabo sa Brgy Luna, Surigao City. Usa sa mga heavily affected barangays nga apektado gayod tungod sa bagyo.
Atong pag-ampo usab sa safety sa pagbyahe sa atong mga kaubanan nga anaa karon sa Surigao, hilabina sa tanang residente nga naapektuhan sa maong bagyo.
Mapasalamaton usab ang atong lokal na panggamhanan sa tanang nakigtambayayong sa atong donation drive ug nakighiusa para matabangan ang mga residente sa Surigao.