Gipanguluhan ni Sir Joseph B. Anque, GENEXPERT Technician sa DOH-Davao Center for Health Development – National TB Control Program ang pag train sa atong mga medical technologist ug laboratory technicians sa paggamit sa GENEXPERT machine sa atong Rural Health Unit Nabunturan kagahapong adlawa.

         Usa ang Nabunturan sa pipila ka mga munisipalidad sa probinsya sa Davao de Oro nga gihatagan sa maong machine.

 

       Saysay ni Ma’am Canastra, Medical Technologist, “Dako kaayo siyang tabang diri sa lungsod sa Nabunturan kay tungod ani nga machine, mas mapadali ang resulta sa examination sa sputum.”

 

       Dugang pa, tungod sa kalayo ug kakuti sa proseso kung asa ginapadala pa nato sa laing health centers ang mga sample sa sputum for genexpert, pirting looya gyud sa atong mga pasyente nga naghulat sa dugay nga result. Busa mapasalamaton kita nga anaa na gayod karon kini diri sa Nabunturan ug mas paspas na ang atong pag-alagad sa mga pasyente.         

          Nipailawm sa maong training ang atong mga Lab Personnel nga sila Ms. Danneth P. Canastra, RMT; Mr. Manuel Bacerra III; Ms. Phoebe Jely Jacinto, RMT; ug Ms. Jureen Nitz Mar Batalon, RMT.

 

         Mapasalamaton kita sa World Health Organization (WHO), ug sa Department of Health-Region XI, TB Program sa paghatag sa maong advanced tech ug training sa atong mga kaubanan sa RHU.

   

          Ang availability sa maong machine, makatabang gayod sa atong mga katawhan, ug hilabina sa mga kasilinganang lungsod.

       Abri usab ang atong Rural Health Unit, ug ginapaningkamutan gayod nato nga aduna kitay mga kagamitang medikal nga mutubag sa panginahanglanong medikal sa atong mga residente.