Pinanguluhan ni Engr. Lorenzo Bermillo, Focal Person sa Farm and Fisheries Clustering and Consolidation (F2C2) Program, ubos sa Department of Agriculture sa Region XI, usa ka consultative meeting ang gipahitabo sa Opisina sa atong Municipal Agriculturist aron tukion ug ire-introduce ang F2C2 program.

        Anaa sa maong aktibidad sila Sir Margarito Libres, Dr. Elsa Villareiz, Ma’am Analyn L. Cañalita, Sir Wilmer Turing, Dr. Adin B. Siaboc, Sir Hervie June Alboroto, ug Ms. Reciejane Lambo, nga ni representa sa atong halandong Mayor, Chelita C. Amatong.

          Ang maong programa, gitawag usab nga Bayanihan Agri Cluster(BAC) ug nagalayong ma-empower ang mga mag-uuma ug ma cluster sila para sa mas daling pag-access sa mga benepisyo gikan sa nasyonal.

       Gawas ana, panglantaw niini nga ma-consolidate ang sektor sa mag-uuma sa atong lungsod ug mahatagan sila’g igong kaalam ug mga kagamitan para mas musaka ang ilang kita, maproteksyonan sila, ug matabangan nga mas mupalambo pa ang ilang kinabuhi.

         Usa sa mga nakitang example ni Engr. Bermillo sa atong lungsod mao ang LIPRIMCO, kung asa na empower gyud ang mga myembro niini ug mas dali ang paghatag ug mga makinarya, seedlings, trainings, ug uban pa sa mga mag-uumang apil sa maong kooperatiba.

         Isip mensahe, saysay ni Sir Libres, Municipal Agriculturist nga mas pakusgan pa sa opisina ang pag organize sa mga asosasyon ug kooperatiba nga pwede ma consolidate. Isip lakang, iyaha usab ipatawag sila aron sa pag-plastar ug pagpahibalo sa maong programa.