Subay sa mga residente, usa ka buhawi ang mikalit ug haguros ug nagdalag taas nga tubig mga ala-syete sa gabii adtong March 10, 2022, rason sa ilang kahadlok.

 

Dali-daling nitawag ug nangayo’g tabang ang ilang kagawad sa barangay ug naaksyonan kini sa atong Nabunturan Emergency Response Team.

 

Subay sa assessment, mapasalamaton kita nga walay naangol ug nadisgrasya gawas sa usa ka balay nga naanod tungod sa kusog nga tubig. Nasayran usab nga ang tag-iya niini naga-adto lang matag-Sabado para sa iyang uma. Luwas usab nga nakagawas ang silingan niini ug na-evacuate na.

Luwas usab nga na-evacuate sa atong NERT ang mga residente sa maong purok, ug gi-prioritize nila ang mga katigulangan, kakabaehan ug kabataan. Niadto usab ang atong Municipal Disaster Risk Reduction and Management Officer, Jennifer Echavez para sa pag-check ug pag-kumusta sa mga evacuees.

 

Sa karon anaay 123 ka indibidwal ug 45 ka pamilya ang anaa sa barangay evacuation center.

 

Padayon ang pagpaningkamot sa lokal nga panggamhanan ubos sa liderato ni Mayor Chelita “Chickay” Amatong aron maprotektahan ang tanan. Ginahangyo usab nato nga maminaw sa tambag sa atong mga otoridad, panahon sa katalagman.

Mapasalamaton usab kaayo kita sa abtik nga pag-coordinate sa barangay, hilabina sa mga kapitan, kagawad, functionaries, ug barangay health workers nga adunay pagmahal sa ilang sakop.

 

Available sa kanunay ang atong disaster ug health emergency teams baynte-kwatro oras, para sa paghatag ug matarong nga serbisyo sa Nabunturanons.

 

Mag-amping ug mag-ampo kita sa kanunay!