Magsaysay, Nabunturan – Usa ka pre-construction conference ang gipahitabo karong adlawa. Gipangunahan kini sa atong Municipal Agriculturist nga si Sir Margarito Libres, uban sila Engr. Barnido ug Engr. Joepar sa DA-RFO XI Regional Agri Engineering Division; Engr. Bryan Butt sa PAGRO; Municipal Engr. Thelma R. Gisma; ug Barangay Captain, Alex Vegafria uban ang iyang konseho.

Nagatuo si Sir Libres nga dako gayod ang tabang niini sa mga mag-uuma ug dugang niya, “Dugay na gyud ni nga pangandoy sa atong rice farmers nga mabutangan cla ug irrigation para sa ilang basakan […] Nga sa panahon sa tag init naa na silay source sa tubig para motaas ang ilang production ug kita.”

Ang maong construction ipahitabo sa Km. 92 Bugac, Barangay Magsaysay og nagkantidad ug kapin kun kulang 4 million pesos.

Dakong kalipay ug tabang gayod ang dala sa maong proyekto alang sa mga mag-uuma sa Km.92 Rice Farmers Association pinangunahan ni Chairman, Norberto Bayubay.

Ang contractor sa proyekto mao ang Everton General Construction and Development Co. nga gi-representahan ni Engr. Paul Cepada.

Pipila lamang kini sa mga benepisyong anaa sa atong Municipal Agriculturist’s Office inubanan sa suporta ug aktibong pakig-alayon sa Department of Agriculture XI, ug nagkalain-laing mga ahensya or organisasyon alang sa kalambuan ug kaayuhan sa sektor sa agrikultura sa lungsod sa Nabunturan.