Nagpadayon ang LIBRENG OPERATION TULI sa mga batang lalake sa Lungsod sa Nabunturan karong adlawa sa atong health center inubanan sa atong mga healthworkers.

Ubos sa inisyatibo sa atong Mayor, Chelita C. Amatong, anaa na sa 78 ka mga bata ang mga benepisyaro sa programa. Ika-walo na usab ni nga hugna sa Operation Tuli, kung asa nagmalampuson usab ang pito ka barangay sama sa San Isidro, Ogao, Mipangi, Basak, New Sibonga, Linda, ug Bukal.

Ginapahinumduman usab na kinahanglan magsuot og face mask sa pag-adto sa atong health center. Ginadili ang walk-in o ang pag-adto na wala nakaschedule arun masunod ang social distancing.