Mapasigarbuhon kita sa nilabayng awarding sa Probinsya sa Davao de Oro kung asa nagmadaugon ang atong lungsod sa Nabunturan isip 2nd Placer sa 2021 Provincial Search for Best Solid Waste Management (SWM) Implementers.

Tungod kini sa aktibong pakiglambigit sa matag barangay sa atong lungsod, inubanan sa paningkamot sa atong Environment Resources Section (ERS) kon MENRO nga gipanguluhan ni Ma’am Geraldine Pizaras, EMS I.

Malipayong gidawat ni Ma’am Juvy A. Javonitalla uban ni Sir Roger A. Hibaya, sa ERS ang maong award. Mapasalamaton sab kita sa atong probinsya, hilabina sa opisina sa Provincial Environment and Natural Resources Office.

Magtinabangay kita sa pag-hatag ug bili sa atong mga tinguha sa pagmintinar sa kalimpyo ug kaluwasan sa atong katilingban. Hilabina ang pagprotektar ug pag-preserba sa kaayuhan sa atong kinaiyahan.
Ang Solid Waste Management, responisbilidad natong tanan alang sa pag-sustenar sa atong kinaiyahan.

Busa, ginapahinumduman nato ang tanan nga pagabuhaton ang atong responsibilidad sama sa pag-segregate sa mga basura, pag-recycle, ug ang atong ginapakusgan karon, ang pag-DILI sa paggamit sa SINGLE USE PLASTIC nga kasamtangang ginahinay-hinay ug integrate sa atong palengke ug mga tindahan sa tibuok lungsod sa Nabunturan.