Ang paghigugma ug pag-amuma sa atong mga katiguwangan ang usa sa mga programa nga gihataga’g gibug-aton sa atong lungsod ubos sa pagdumala ni Mayor Chelita C. Amatong.
Bunga sa pagpaningkamot sa atong mga opisyales sa lungsod, inubanan sa pagtinabangay sa nagkadaiyang mga opisina sa lokal nga panggamhanan sa Nabunturan, nagmalampuson ang paghatag ug Php 10,000.00 nga cash incentives sa atong mga senior citizen nag edad 85 hangtod 99 years old.
Pinasikad sa Municipal Ordinance No. 2021-11 authored by Councilor Francis Secuya, gipatigayon ang pag-release sa cash incentives sa mga senior citizens pinanguluhan ni Ma’am Alma Delia Besana, atong Municipal Social Welfare Development Officer ug mga kaubanan sa Municipal Treasurer’s Office kaniadtong Marso 22 hangtod 23, 2022 sa baynte otso (28) ka mga barangay sa lungsod.
Tungod sa kalayo ug kalisod sa pipila nato nga mga beneficiaries para muadto sa mga distribution sites, gibalay-balay gayod sa atong mga Social Workers ug personahe sa Treasury ang atong mga minahal nga senior citizens para lamang mahatag ang gamayng tabang.
Sumatotal, 309 ka mga benepisyaryo sa tibuok lungsod ang malipayong nakadawat sa maong tabang.
Padayon ang Lokal nga Panggamhanan sa Nabunturan nga pagakusgan pa ang pagtinabangay ug paghiusa alang sa kalambuan ug kaayuhan sa tanang lumulupyo sa atong lungsod.