Nibalik na ang Newborn Hearing Screening (Otoacoustic Emission Test) kagahapong adlawa, Marso 30, 2022 (Myerkules), sa atong birthing clinic. Temporaryo kining giundang tungod sa pandemya, apan anaa na usab kini sa atong Rural Health Unit (RHU).

Ang maong hearing screening gi-conduct ni Ma’am Mary Mae H. Ubay, OAE Technician sa SES Davao Diagnostics Inc.

Para sa fees, adunay bayad nga Php 270.00 alang sa mga walay Philhealth ug dili didto naanak sa RHU, og 70.00 lamang sa mga naanak sa atong paanakan.

Ang Newborn Hearing Screening ipahitabo sa ikaduha ug pinakaulahing Myerkules matag bulan, ug magsugod matag alas-dyis sa buntag (10 am).