Giilang bronze awardee ang Rural Health Unit sa lungsod sa Nabunturan sa tibuok rehiyon onse sa bag ohay lang natapos nga Annual Harmonized Awarding sa Department of Health o DOH niadtong December 10, 2021. Ang maong award nakab-ot sa Nabunturan RHU para sa kategorya nga Top Performing TB DOTS Facility sa rehiyon sa Davao.

Kini nagpamatuod lamang nga ang atong lokal nga panggamhanan sa Nabunturan, hugot ang pagpaningkamot aron mahatagan ug pagtagad ang tanang matang sa kinahanglanong panlawas sa mga lumulupyo sa lungsod, bisan pa man sa mga kakulian nga dala sa pandemya nga nag kinahanglan ug mas dakong pagtagad sulod sa duha na ka tuig.

Gi awhag usab sa mga nag dumala, ug mga eksperto sa Tuberculosis o TB DOTS facility sa RHU Nabunturan, nga ug adunay mga sintomas o gibati nga gitoohan nilang TB, o kung gusto maka siguro pero walay igong pinansyal nga ika sustenar sa maintenance, mamahimong mo coordinate sa ilang mga Barangay Health Workers (BHW) aron matabangan sa proseso, o mo deretso sa atong Municipal Health Center para sa dugang impormasyon nga makatabang sa ilang kaayuhan.

Congratulations, Nabunturan RHU!