Tungod sa ulan nga nasinati nato sugod kagabii, pipila sa mga barangay ang nakasinati ug pagtaas sa tubig.

     Busa, nagpahigayon ug rescue operation ang atong Nabunturan Emergency Response Team human makadawat ug request gikan sa barangay.
     

     Ang mga apektadong lugar mao ang Purok 6, Sto. Niño ug Purok 11, Mainit. Luwas nga nadala usab sa atong NERT ang mga residente sa designated evacuation area.

     Samtang aduna say pagdahili sa yuta sa Barangay San Isidro, Linda, ug sa Pagtulian, Bukal. Daling niresponde usab ang mga personahe sa Municipal Engineers Office dala ang mga ekwipo alang sa road clearing.

     Sa kasamtangan, maagian na ang mga dalan sa Linda ug Pagtulian, Bukal; gawas sa Barangay San Isidro nga DILI pa gayod maagian sa bisan unsang behikulo.

Sa karon, wala pa kitay datos sa mga gi-evacuate. Busa, atangi ang dugang update.