May 06 2022, personal nga giturn-over ni Regional Director, Dr. Angelita E. Barcelona sa National Meat Inspection Services (NMIS) XI ang sertipikasyon nga nagpakita nga ang Nabunturan Slaughterhouse lisensiyadong mu-operate na.

     Ubos sa pagdumala ni Mayor Chelita C. Amatong, ang lungsod sa Nabunturan lamang ang nag-inusarang adunay class “AA” accredited slaughterhouse sa tibuok probinsya sa Davao de Oro. Tungod kini sa panglantaw ni Mayor Chickay nga makahatag ug standard services alang sa Nabunturanons.

     Nagpasabot sab kini nga limpyo ug luwas ang mga karne nga mapalit sa tanang lumulupyo sa Nabunturan kay kini niagi sa mga standard procedures nga gipatuman sa NMIS XI, gikan sa pag-abot sa mga hayop hangtod sa pag-deliver sa palengke.

     Dugang sab ni Ma’am Gilda F. Aldaya, Supervising Administrative Officer, ubos sa usa ka resolution mahatagan nag venue ug oportunidad ang atong mga residente nga adunay pangandoy nga manarbaho gawas sa nasod. Pinaagi kini sa paghatag ug trainings nga ipahitabo sa slaughterhouse, nga mamahimong assessment center, gikan sa mga accredited partner agencies.

     Ang animal welfare usab ang usa sa gihatagag gibug-aton isip “AA”; kung asa, gisiguro nga dili maabuso ug mag-antos ang mga katayong hayop.

     Sa ulahi, usa ka hagit ug mensahe ang gibilin ni Dr. Barcelona, sumala niya “The challenge is to sustain the accreditation; but with the right leader and committed working public servants, we can sustain this.”
Busa, giawhag ni Mayor Chickay ang tanan nga ipadayon ang pagtiyaga, pagtinabangay, ug pagpaningkamot arun masustain ang nasugdang kategorya.

     Mapasalamaton ang Lokal nga Panggamhanan sa tanang suporta ug serbisyong gihatag sa tagsa-tagsang partner agencies ug stakeholders. Gikan sa maabtikon nga Task Force Double A; mga meat inspectors, butchers, vendors, ug personnel; ug sa NMIS XI sa makanunayong suporta.

Ipadayon nato ang pagtinabangay ug panaghiusa alang sa kadaugan sa tanan.