Ubos sa tinguha nga makuha ang pidbak sa nagkalain-laing kliyente sa atong munisipyo ug mahataga’g pagtagad ang mulo sa mga tawo, gimugna sa Lokal nga Panggamhanan ubos sa Information Section ang Digital Feedback Form.

Sa giya sa Human Resource and Management Officer, Ma’am Reynita Villan, nagmalampuson ang aktibidad nga naghandom sa mas epektibo, paspas, ug kalidad nga paghatag ug serbisyo sa mga Nabunturanons.

     Pinasikad sa Section 17 sa Republic Act No. 11032, atong gipangusgan ang pagpatuman sa ease of doing business sa lungsod sa Nabunturan.

     Inubanan usab sa hiniusang panglantaw kung asa adunay gobyernong “…clean, just, highly efficient, technology-enabled and people-centered which enables a high-trust society with a globally competitive service and business environment,” nakighiusa ang atong Lokal nga Panggamhanan sa Nabunturan alang sa kalampusan niini.

     Busa, padayong naga-develop ang atong lokal nga panggamhanan para sa mas luwas, paspas, ug kalidad nga pagpanerbisyo alang sa katawhan sa Nabunturan