Maabi-abihong nakahinabi ni Mayor Chelita C. Amatong ang mga personahe sa Lungsod sa Carmen, Davao del Norte nga nibista sa lungsod aron mubenchmark sa Class “AA” Slaughterhouse sa lungsod.

     Ang grupo- gipangunahan ni Sir Alfredo B. Uy, OIC- Economic Enterprise Development Officer, uban sila Sir Ramon B. Virgo, Jr., Shielo Mar Gelu, ug Clyde Drexter A. Camacho -mibisita alang sa pagtuki sa mga rekisitos ug giya arun mamahimong “AA” usab ang ilang slaughterhouse.

     Uban ni Ma’am Gilda F. Aldaya, BPLEE Head, gi-tour sa grupo ang Nabunturan Slaughterhouse kung asa gibahin ni Ma’am Aldaya ug Sir Sherwin (Meat Inspector) ang mga dokumentong angay mugnaon, mga ekwipo, mga klase-klaseng tips, ug mga aktibidad nga giagihan arun mamahimong accredited “AA” slaughterhouse.

     Gihataga’g emphasis usab ni Ma’am Aldaya ang koordinasyon ug hiniusang pagtinabangay sa tanang myembro sa Task Force “AA” Slaughterhouse nga nakigtambayayong gayod sa tibuok proseso. Hilabina sa Local Chief Executive nga, kung wala ang suporta, dili gayod kini magmalampuson.

     Dugang niya, adunay tagsa-tagsang vital role ang matag isa gikan sa mga utility, clerk, matadero, ug uban pa; rason nga tungod sa ilang serbisyo, nagmadaugon gayod ang lungsod sa Nabunturan.