Pinangunahan ni Ben Jasper A. Tomas, Private Secretary to the Mayor, gipatawag ang mga myembro sa Local Governance Transition Team (LGTT) alang sa paghisgot sa mga importanteng detalye sa malampusong Oath Taking ug Turn Over Ceremony sa mga newly elected officials sa lungsod sa Nabunturan.

     Pipila sa mga bag-ong updates nga nadiskusyonan sa grupo mao ang iskedyul sa Oath Taking Ceremony nga ipahitabo sa umaabot nga Hunyo 27, 2022 sa Nabunturan National Comprehensive High School Gymnasium.

     Sa laing bahin, ubos sa DILG Memorandum Circular No. 2022-029, anaana sa 99% completion ang mga dokumentong iturn-over sa bag-ong administrasyon. Kini naglangkob sa mga records, agreements, inventory, reports, plans, fund utilizations, ug uban pa.

     Ang Turn Over Ceremony, ipahitabo sa Hunyo 30, 2022 sa opisina sa Mayor.

     Gawas sa hapsay ug malinawong transition, usa sa panglantaw usab ni Mayor Chelita C. Amatong nga mapadayon ang pag-uswag ug kalamboan sa Lungsod sa Nabunturan, busa importante ang pagtinabangay sa matag opisina; hilabina, ang pagturn over sa mga dokumento alang sa pagpadayon sa good governance ug transparency.