Ang Konsulta Package usa ka programa sa Philhealth nga nagalaum nga mas mapalapdan pa ang serbisyong medikal sa tanang Pilipino. Kini nagatanyag ug kalidad nga serbisyo sa abot-kayang presyo.

Busa, ubos sa suporta sa atong Lokal nga Panggamhanan, pinanguluhan ni Mayor Chelita C. Amatong, uban sa pagpaningkamot sa tibuok Rural Health Unit sa Nabunturan nga gipangunahan ni Dr. Danielo O. Rubillos, usa ka evaluation ang gipahitabo kagahapong adlawa.

Gipangunahan ang maong evaluation ni Dra. Marivic Pula-Malate, officer-in-charge ug division chief sa Healthcare Delivery and Management Division sa PhilHealth-Davao uban si Sir Carlos “Jun: Ofrecio, Jr.

      Gituki sa team ang pasilidad, mga ekwipo, ug medical personnel sa RHU Nabunturan arun masigurado nga nakasulod kini sa accreditation standards.

      Ubos sa assessment, usa ka positibong feedback ang nadawat sa atong RHU, ug nagmalaumon kita nga mamahimong malampuson ang accreditation nga adunay dakong tabang gayod sa mas paspas, barato, ug kalidad nga serbisyong medikal sa tanan.