Magarbuhong gidawat sa atong mga kaubanan sa Lokal nga Panggamhanan sa Nabunturan ang mga plaque of recognition nga nagpakita sa Exemplary Performance sa LGU sa paglapas sa Total Revenue Target sa tanang Major Revenue Sources kagahapon sa buntag.

     Personal nga nianhi si Acting Provincial Treasurer, Ma’am Grace V. Quintana, CPA alang sa paghatag sa award kay Mayor Chelita C. Amatong nga girepresentahan ni SB Alim Sotto. Ang plaque naghatag ug pagtamod sa lehislatibo ug ehekutibong suporta ni Mayor Chickay sa Revenue Generation Program sa Bureau of the Local Government Finance, Region XI, Department of Finance pinaagi sa atong Municipal Treasurer’s Office.

     Tungod sa iyang hugot nga pagsuporta ug paghatag ug bili sa Revenue Generation Program sa lungsod, aduna kitay 176.10% Collection Efficiency sa Real Property Tax, 134.53% Collection Efficiency sa Business Tax, ug 130.42% Collection Efficiency sa Fees and Charges.

     Sa susamang bahin, gihataga’g pag-ila usab ang mga pagpaningkamot sa atong Treasurer’s Office nga gipangunahan ni Ma’am Gemma V. Alegro, Municipal Treasurer.

     Giganti ni Sir. Metodio Duat, CPA, sa Provincial Treasurer’s Office ang plaque nga nagpakita sa Exemplary Performance sa opisina sa paglapas sa Total Revenue Target sa mga major Revenue Sources sa lungsod kung asa, sa real property tax collection target nga Php 11, 005, 700.00 Million, adunay actual collection nga Php 19, 381,110.60 Million; sa business tax collection target nga Php 29,473,185.00 Million, adunay Php 39,648,865.23 Million nga actual collection; ug sa fees and charges collection target nga Php 38, 813,574.00 Million, adunay actual collection nga Php 50,619,858.61 Million.

     Dugang pa, gidawat usab ni Municipal Assessor Engr. Edgar Antonio A. Rebucas, REA nga girepresentahan ni Ma’am Junelyn M. Ventura ang plaque of recognition nga personal nga giganti ni Engr. Abenir O. Labja, Provincial Assessor. Ang maong plaque naghatag ug pasalamat sa makanunayong suporta sa opisina sa 2020 Revenue Generation Program , kung asa, ang Nabunturan adunay 146.14% collection efficiency.

     Kini nga mga kalampusan dili makab-ot kung wala ang pagtinabangay ug paghiusa sa matag-usa. Hilabina sa atong nga taxpayers ug investors nga nagasalig sa lungsod sa Nabunturan.
Padayon sa pag-uswag Nabunturan!